Եթե Արցախը չի մասնակցում բանակցությունների, ուրեմն ազատ է ամեն ինչ անելու. Հարությունյան Տեսանյութ

Արցախի Հանրապետության ԱԺ պատգամավոր Արամ Հարությունյանը ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում մեկնաբանել է «Օկուպացված տարածքների մասին» օրնագիծը, որը կընդունվի առաջիկայում։

Հարությունյանը պատմել է օրինագծի նախապատմությունը, որը սկիզբ է առել 2021 թվականին, երբ Արցախի Ազգային ժողովը հայտարարություն տարածեց՝ օկուպացված անվանելով արցախյան պատերազմների ժամանակ Ադրբեջանի վերահսկողության տակ գտնվող տարածքները։

«Խոսքն այն տարածքների մասին է, որոնք Ադրբեջանի վերահսկողության տակ են անցել 2020 թվականի, պատերազմից հետո։ Օկուպացված են համարվում նաև այն տարածքները, որոնք Ադրբեջանի վերահսկողության տակ են անցել 1991-1994 թվականներին»,- ասել է նա։

Ըստ Հարությունյանի՝ օրինագծով այդ տարածքները հռչակվում են որպես Արցախի անբաժանելի մաս, օրինագծում նշվում է նաև, որ այդ տարածքներում իրականացվող ցանկացած գործողություն պետք է համապատասխանի Արցախ Հանրապետության օրենքներին։

«Մենք հասկանում ենք Արցախի կարգավիճակի առանձնահատկությունները և այն, որ Հայաստանը բանակցում է մեզ համար։ Բայց քանի դեռ Արցախը չի մասնակցում բանակցություններին, մեր հռետորաբանությունը կարող է լինել մաքսիմալիստական»,- ընդգծել է Հարությունյանը։

Պատգամավորն ասել է նաև, որ նոր օրենքի շրջանակներում հնարավոր կլինի ճշգրիտ իրավական կարգավիճակ տալ այն մարդկանց, ովքեր ստիպված են եղել լքել այդ տարածքները պատերազմի հետևանքով։

Ավելի վաղ ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման եթերում Արամ Հարությունյանը մեկնաբանել էր Արցախում քննարկվող սահմանադրական բարեփոխումների նախագիծը։

Մանրամասները՝ տեսանյութում։