Քրիստոնեական բլոգեր, Հայ առաքելական եկեղեցու կիսասարկավագ Արմեն Հարեյանը կարծում է, որ քրիստոնեությունն առաջինն ընդունելու շնորհիվ Հայաստանը մտել է պատմության մեջ:
ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում Հարեյանն ասել է, որ առաջին քրիստոնյա պետության կարգավիճակը շարունակում է հանրահռչակել Հայաստանը։
Երևանի ճանապարհին՝ ինքնաթիռում, նա հանդիպել է առաջադեմ երկրի բարձրաստիճան դիվանագետի, որը որոշել է տեղափոխվել Հայաստան։
«Նա իր ընտանիքի հետ էր և ինձ ասաց, որ տարբեր երկրներից ընտրել է Հայաստանը, քանի որ ցանկանում է, որ իր երեխաները մեծանան քրիստոնեական երկրում։ Ես ևս մեկ անգամ համոզվեցի, որ առաջին քրիստոնյա պետություն լինելը մեծ պատասխանատվություն է»,- ասել է նա։
Հայ առաքելական եկեղեցու կիսասարկավագն ընդգծել է, որ դարեր շարունակ աշխարհի երեսից անհետացել են կայսրություններն ու հզոր պետությունները, սակայն Հայաստանը դեռ կա և ավելի քան 650 տարի անց կրկին պետականություն է ձեռք բերել քրիստոնեական հավատքի շնորհիվ։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանում ցուցադրվել է Քրիստոսի աշխարհի ամենամեծ արձանի վերջնական էսքիզը։
Մանրամասները՝ տեսանյութում: