Քաղաքագետ Բենիամին Պողոսյանը ՌՈՒՍԱՐՄԻՆՖՈ-ի եթերում ասել է, որ Ադրբեջանի իշխանությունները նպատակ են հետապնդում նվազեցնել հայ բնակչության թիվն Արցախում և ավելացնել ադրբեջանցիներինը։
«Ադրբեջանը ծրագրում է բնակեցնել այն տարածքները, որոնք նախկինում վերահսկվում էին Արցախի կողմից: Նախատեսում են մինչև 2030 թվականը Շուշիում բնակեցնել 25 հազար, իսկ Հադրութի շրջանում՝ 15-ից 20 հազար ադրբեջանցի։ Այսինքն՝ մինչև 2030 թվականը նախկին ԼՂԻՄ-ի տարածքում նախատեսում են ունենալ 40-45 հազար ադրբեջանցի բնակչություն»,- ասել է քաղաքագետը։
Բենիամին Պողոսյանը նշել է, որ միևնույն ժամանակ Ադրբեջանն ամեն ինչ անելու է Արցախում հայերի թիվը նվազեցնելու համար։
«Նրանց համար իդեալական տարբերակը նախկին ԼՂԻՄ-ի տարածքում նույն թվով հայեր ու ադրբեջանցիներ ունենալն է»,- ասել է Պողոսյանը։
Նրա խոսքով՝ վերջնական նպատակն այն է, որ Ադրբեջանն ի վերջո կարող է համաձայնել հանրաքվեի, որի արդյունքները կլինեն Բաքվի օգտին։
Ավելի վաղ ՌՈՒՍԱՐՄԻՆՖՈ-ի եթերում Բենիամին Պողոսյանը հայտնել էր, որ Հայաստանի և Ադրբեջանի միջև սահմանազատման և սահմանագծման սպասվող գործընթացում լուրջ ռիսկեր կան։
Մանրամասները՝ տեսանյութում։