Rusarminfo Российско-Армянское информационное агентство
ՀԱԱԳԱ-ի դատարանում մեկնարկած «Հայաստանն ընդեմ Ադրբեջանի» գործով դատական լսումների ժամանական, բացի հայկական պատվիրակությունից, ելույթ են ունեցել նաև ներկայացուցիչներ Միացյալ նահանգներից:
Մասնավորապես՝ Վաշինգտոնի միջազգային դատական համակարգի և արբիտարաժային վարչության փոխնախագահ Կոնստանտինոս Սալոնիդիսն իր ելույթում անդրադարձել է տարբեր ժամանակահատվածներում Ադրբեջանի նախագահ Իլհամ Ալիևի հայերի մասին արտահայտություններին, դրանք որակելով որպես ատելության խոսք:
«Ինչպես անցյալում, հիմա էլ Ադրբեջանը շարունակում է վարել քաղաքականություն, որը դեմ է միջազգային նորմերին»,- ասել է Սալոնիդիսը:
Նրա խոսքով ատելության խոսքն ու դրսևորումներն ավելի արտահայտիչ են դարձել 2020 թվականի սեպտեմբեր-նոյեմբեր ամիսներին տեղի ունեցած պատերազմի ժամանակ:
«Ի՞նչ է, եթե ոչ ատելության և անհանդուրժողականության խոսք, երբ Ադրբեջանի ամենաբարձր պաշտոն զբաղեցնող, նախագահ Ալիևը հայերին անվանում էր շներ, բարոյական արժեքներից զուրկ ժողովուրդ: Նա ծաղրում էր հայերին՝ ասելով, որ նրանք Արցախում ապրելու ոչ մի պատմական հիմք չունեն և ցանկացած դժվարության դեպքում տզրուկի պես կառչում են այլ երկրներից»,- իր ելույթում Ալիևի խոսքերն է մեջբերել Կոնստանտինոս Սալոնիդիսը:
Նա նշել է նաև, որ Իլհամ Ալիևը նման պահվածքը շարունակվում է մինչ օրս՝ հավելելով, որ Ադրբեջանը չի ինտեգրվել ռասիզմի և անհանդուրժողականության եվրոպական պայքարին և շարունակում է իր սերունդներին դաստիարակել ատելության հռետորաբանությամբ:
Ավելի վաղ ՌՈՒԻՍԱՐՄԻՆՖՈ-ն հայտնել էր, որ Ադրբեջանը ՄԱԿ-ի միջազգային դատարան հակընդեմ հայց է ներկայացրել Հայաստանին:
