Ադրբեջանի ԱԳՆ ներկայացուցիչ Լեյլա Աբդուլաևան հայտարարել է, որ Բաքուն չի բացառում Հայաստանի և Ադրբեջանի արտգործնախարարների նոր հանդիպման հնարավորությունը:
“Մենք կարծում ենք, որ օգտակար կլինի հետպատերազմյան ժամանակաշրջանի հայ-ադրբեջանական հարաբերությունների քննարկումը: վերջերս Նյու Յորքում տեղի ունեցավ Հայաստանի և Ադրբեջանի արտգործնախարարների հանդիպումը։ Մենք չենք բացառում նման հանդիպման հնարավորությունը նաև առաջիկայում»,- ասել է Աբդուլաևան լրատվամիջոցներին։
Նրա խոսքով, ադրբեջանական կողմը կարծում է, որ ներկա փուլում անհրաժեշտ է լուրջ ուշադրություն դարձնել երեք պետությունների ղեկավարների ստորագրած համատեղ հայտարարության պահանջների կատարմանը:
Հայաստանի և Ադրբեջանի արտգործնախարարները հանդիպել էին Նյու Յորքում, սեպտեմբերի 24-ին` ՄԱԿ-ի Գլխավոր ասամբլեայի շրջանակներում, ԵԱՀԿ Մինսկի խմբի համանախագահների մասնակցությամբ:
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանում ԱՄՆ դեսպան Լին Թրեյսին հայտարարել է, որ Միացյալ Նահանգները Լեռնային Ղարաբաղի կարգավիճակի հարցը լուծված չի համարում: