Rusarminfo Российско-Армянское информационное агентство
Ադրբեջանի նախագահ Իլհամ Ալիևը, ընդունելով ԵՄ դեսպան Պյոտր Միխալկոյի հավատարմագրերը, անդրադարձել է Հայաստանի հետ հարաբերություններին:
Ալիևը նշել է, թե պատրաստ է բանակցություններ սկսել Հայաստանի հետ հարաբերությունները կարգավորելու ուղղությամբ: Նա նաև ընդգծել է, որ հնարավոր է համարում Եվրամիության ակտիվ մասնակցությունը այս գործընթացին:
«Այժմ հիմնական հարցը պատերազմից հետո տարածաշրջանում խաղաղության ապահովումն է: Մենք ցանկանում ենք շրջել այս էջը, սա մեր քաղաքականությունն է: Մենք ցանկանում ենք բարելավել հարաբերությունները Հայաստանի՝ մեր հարևանի հետ: Մենք պատրաստ ենք Հայաստանի հետ բանակցություններ սկսել խաղաղության պայմանագրի ստորագրման, սահմանազատման, կոմունիկացիաների բացման շուրջ: Այս գործընթացը մասամբ ընթացքի մեջ է»,- Ալիևի խոսքերն է մեջբերում Haqqin.az- ը:
Ադրբեջանի նախագահը նշել է, որ այս գործընթացներին ևս ԵՄ-ն կարող է ակտիվ մասնակցություն ունենալ: Ըստ Ալիևի` այս ուղղությամբ պետք է կատարվի մեծածավալ աշխատանք:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի նախագահ Իլհամ Ալիևը հանրային հանդիպման ժամանակ հայտարարել է, թե Հայաստանը պետք է «դադարեցնի տարածքային պահանջներ ներկայացնել Ադրբեջանին և Թուրքիային»:
