Հայաստանը կարող է կորցնել Զախարյանին. Չերչեսովը ցանկանում է երիտասարդ տաղանդին տանել Եվրո

Ռուսաստանի ֆուտբոլի ազգային հավաքականի գլխավոր մարզիչ Ստանիսլավ Չերչեսովը մտադիր է մի քանի երիտասարդ ֆուտբոլիստների ներգրավել թիմ՝ 2021 թվականի ամռանը կայանալիք Եվրոպայի առաջնությանը մասնակցելու համար (հունիսի 11-ից հուլիսի 11-ը):

Ըստ «Եվրոստավկայի», ի թիվս այլոց, Չերչեսովը կարող է հրավիրել մոսկովյան «Դինամոյի» 17-ամյա կիսապաշտպան Արսեն Զախարյանին, որը խաղացել է Ռուսաստանի երիտասարդական հավաքականում (պատանեկան թիմից տեղափոխվելիս ֆուտբոլիստներին թույլատրվում է մեկ անգամ փոխել ազգային հավաքականը)։

Զախարյանը, որը Եվրոպայի ամենատաղանդավոր երիտասարդ ֆուտբոլիստներից մեկն է, դեռ չի որոշել, թե որ ազգային հավաքականում է խաղալու: Նա առաջարկ ունի նաև Հայաստանի ազգային հավաքականից, որը ներկայումս գլխավորում է Աշխարհի 2022 թվականի առաջնության ընտրական մրցաշարի J խումբը:

Ավելի վաղ ՌՈՒՍԱՐՄԻՆՖՈՆ հայտնել էր, որ Մոսկվայի «Դինամոն» Արսեն Զախարյանին նոր պայմանագիր է առաջարկել, ըստ որի`նա երեք տարում կվաստակի ավելի քան 2 միլիոն եվրո: