Rusarminfo Российско-Армянское информационное агентство
ՀՀ վարչապետի պաշտոնակատար Նիկոլ Փաշինյանն այսօր՝ մայիսի 3-ին, խորհրդարանում անդրադարձել է հանրապետության սահմանների պաշտպանությանը:
Նրա խոսքով՝ Հայաստանի անվտանգության համակարգը չի փոխվել։ Նախկինում էլ սահմանների պաշտպանությունն իրականացրել է հայ-ռուսական համատեղ ռազմական խումբը, բայց դա չի նշանակում, որ համատեղ դիտակետերը գտնվում են սահմանի բոլոր հատվածներում։
«Գաղտնիք չէ, որ Սյունիքում բացվել են ռուսական 102-րդ ռազմաբազայի երկու նոր հենակետեր, դա Սյունիքի և ընդհանրապես Հայաստանի անվտանգության լրացուցիչ երաշխիք է»,- ասել է Փաշինյանը։
Նա հիշեցրել է, որ Հայաստանի անվտանգությունը հիմնված է հայ-ռուսական համատեղ զորախմբի և ՀԱՊԿ-ի հետ պայմանավորվածությամբ` ՀՕՊ համակարգի առկայության վրա:
Փաշինյանը նաև անդրադարձել է Հայաստանի ներկա սահմաններին, հիշեցնելով, որ դրանք ամրագրված են 2010 թվականին երկրի խորհրդարանի ընդունած Վարչատարածքային բաժանման մասին օրենքում:
Ավելի վաղ ՌՈՒՍԱՐՄԻՆՖՈՆ հայտնել էր, որ Գյումրիի 102-րդ ռուսական ռազմաբազայի սպաները երգ են նվիրել ռուս-հայկական բարեկամությանն ու Ռուսաստանի ու Հայաստանի բազմադարյա միությանը:
