Rusarminfo Российско-Армянское информационное агентство
ԱՄՆ նախագահ Ջո Բայդենի կողմից Օսմանյան կայսրությունում 1915 թվականի Հայոց ցեղասպանության պաշտոնական ճանաչումից հետո, երեքշաբթի օրը, ապրիլի 27-ին, բողոքի ակցիա է տեղի ունեցել Թուրքիայի Ադանա նահանգի Ինջիրլիք ավիաբազայի մոտակայքում:
Ցուցարարները պահանջել են արգելել Միացյալ Նահանգների մուտքը ավիաբազա: Թուրքական Anadolu լրատվական գործակալության փոխանցմամբ՝ ակցիայի մասնակիցների թվում են եղել «Vatan» (Հայրենիք) և Թուրքիայի երիտասարդական միության (TGB) կուսակցությունների անդամները:
«Վաթան» կուսակցության փոխնախագահ Սերդար Ուսկուպլուն ասել է, որ ոչ մի նախագահ, խորհրդարան կամ քաղաքապետարան իրավունք չունի մեղադրել թուրքերին ցեղասպանության մեջ: TGB կուսակցության ղեկավար Դիլեկ Չինարը Բայդենի հայտարարություններն անվանել է «աբսուրդ` պատմության, մարդկության և օրենքի տեսանկյունից»:
Ավելի վաղ ՌՈՒՍԱՐՄԻՆՖՈՆ հայտնել էր, որ ԱՄՆ Պաշտպանության նախարարությունը մեկնաբանել է ԱՄՆ-Թուրքիա ռազմական հարաբերությունների զարգացումը Նախագահ Ջո Բայդենի` Հայոց ցեղասպանության փաստը ճանաչելուց հետո:
