Rusarminfo Российско-Армянское информационное агентство
Իշխող «Քաղաքացիական պայմանագիր» խմբակցության պատգամավոր Վիլեն Գաբրիելյանը կարծում է, որ Հայաստանի ընդդիմությունը բազմազան է և բաղկացած է առանձին խմբերից։
ՌՈՒՍԱՐՄԻՆՖՈ-ի «Օրը Նվեր Մնացականյանի հետ» հաղորդման եթերում պատգամավորը նշել է, որ ընդդիմադիր խմբերից յուրաքանչյուրը՝ «Հայաստան» դաշինքը, «Պատիվ ունեմ»-ը, Դաշնակցությունը լուծում է իր առանձին խնդիրը:
Ըստ Գաբրիելյանի՝ մասնավորապես ՀՀ երկրորդ նախագահի որդին՝ Լևոն Քոչարյանը, հետապնդում է իր անձնական նպատակը՝ դառնալ Երևանի քաղաքապետ:
Պատգամավորի խոսքով՝ արցախյան հիմնախնդիրն այժմ չի կարող դառնալ իշխանափոխության խթան, քանի որ սա արհեստական օրակարգ է։ Նա նշել է, որ Երևանում անհնար է Արցախի «հանձնման» մասին որոշում կայացնել։
Գաբրիելյանի կարծիքով՝ ընդդիմությունը որոշել է շրջափակել քաղաքապետարանի շենքը, քանի որ այն ամենաքիչ պաշտպանվածն է։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի ընդդիմության ներկայացուցիչները մայիսի 11-ին շրջափակել են Երևանի քաղաքապետարանի շենքը՝ պահանջելով ՀՀ վարչապետ Նիկոլ Փաշինյանի հրաժարականը։
Մանրամասները՝ տեսանյութում:
