Բադալյան. Հայ-ռուսական հայտարարության այս կետերը խիստ մտահոգում են Բաքվին Տեսանյութ

Քաղաքագետ Հակոբ Բադալյանը մեկնաբանել է Ադրբեջանի արձագանքը՝ ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի ստորագրած համատեղ հայտարարության վերաբերյալ։

ՌՈՒՍԱՐՄԻՆՖՈ-ի «Օրը Նվեր Մնացականյանի հետ» հաղորդման եթերում Հակոբ Բադալյանն ասել է, որ հայտարարության տեքստը դժգոհություն է առաջացրել Բաքվում, քանի որ այնտեղ արձանագրվել է, որ արցախյան հակամարտությունը չի լուծվել, նաև շվել է ԵԱՀԿ Մինսկի խմբի միջնորդական առաքելության կարևորությունը։

Այն կետերից, որոնցից դժգոհ է Ադրբեջանը, քաղաքագետը նշել է աշխարհում անվտանգության հավասարակշռության միակողմանի խախտման անթույլատրելիությունը։

«Առաջին հայացքից այս կետը բխում է ռուսական կողմի շահերից։ Սակայն այս իրավիճակը մենք կարող ենք նաև պրոյեկտել Արցախում Բաքվի գործողությունների վրա»,- ընդգծել է քաղաքագետը։

Բադալյանն ասել է նաև, որ ադրբեջանում փորձում էին Փաշինյանի այցը ներկայացնել որպես հնազանդություն ռուսական կողմին, որպեսզի ցույց տան աշխարհին, որ հայկական բալանսը խախտվեց մոսկովյան այցով, սակայն համաշխարհային այլ կենտրոնների հետ շփումները հակառակն են վկայում։

Ավելի վաղ ՌՈՒՍԱՐՄԻՆՖՈ-ն հրապարակել էր ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի համատեղ հայտարարության տեքստը։

Մանրամասները՝ տեսանյութում։