Tuesday , March 5 2024
amru
Home / Լրահոս / Արցախի իշխանությունները ներկայացրել են առաջնագծում տիրող իրավիճակը

Արցախի իշխանությունները ներկայացրել են առաջնագծում տիրող իրավիճակը

Արցախի Հանրապետության կառավարության տեղեկատվական շտաբը ներկայացրել է Ադրբեջանի զինված ուժերի հետ շփման գծում տիրող իրավիճակի վերաբերյալ վերջին մանրամասները։

Հաղորդագրության համաձայն՝ վերջին 24 ժամվա ընթացքում հրադադարի ռեժիմի էական խախտումներ չեն արձանագրվել։

Մարտի 30-ի ժամը 10:00-ի դրությամբ Արցախում շփման գծի ամբողջ երկայնքով օպերատիվ-մարտավարական իրավիճակը շարունակում է մնալ լարված։

«Ադրբեջանի զինված ուժերը շարունակում են մնալ Քարագլուխ լեռան հատվածներից մեկում ամրացված դիրքում։ Արցախի զինված ուժերը շարունակում են լրացուցիչ միջոցներ ձեռնարկել պաշտպանական դիրքերն ամրապնդելու և հակառակորդին զսպելու համար»,- ասված է հաղորդագրության մեջ։

Նշվում է նաև, որ ռուսական խաղաղապահ կոնտինգենտի հրամանատարության հետ աշխատանքները՝ ադրբեջանական կողմի սկզբնական դիրքերը վերադարձնելու ուղղությամբ շարունակվում են։

Ավելի վաղ ՌՈՒՍԱՐՄԻՆՖՈ-ն հայտնել էր, որ մարտի 27-ին և 28-ին Արցախի Հանրապետության սահմանային գոտիներում հրադադարի ռեժիմի էական խախտումներ չեն արձանագրվել։

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …