Rusarminfo Российско-Армянское информационное агентство
Արցախի Հանրապետության Արտաքին գործերի նախարար Դավիթ Բաբայանը հունվարի 19-ին տեղի ունեցած ասուլիսի ժամանակ մեկնաբանել է նոր պատերազմ սկսվելու հավանականությունը։
Նրա խոսքով՝ նոր պատարեզմ հնարավոր է լինի և ոչ ոք չի կարող երաշխավորել, որ պատերազմներ չեն լինելու, սակայն պետք է դիտարկել դրա հավանականությունը, որն այս պահին բավականին ցածր է։
«Պաշտոնական և լայնածավալ հարձակումը Հայաստանի վրա, ես նկատի չունեմ այն ագրեսիվ գործողություններն ու սադրանքները, որոնք Ադրբեջանը պարբերաբար կրկնում է Հայաստանի հետ սահմանին, դա կլինի ուղիղ հարձակում ՀԱՊԿ-ի վրա և աննկատ մնալ չի կարող, հատկապես, եթե այդ ագրեսիային մասնակցի նաև Թուրքիան»,- ասել է Բաբայանը։
Ինչ վերաբերում է Արցախին, Դավիթ Բաբայանն ասել է՝ եթե հարձակում լինի Արցախի վրա, դա կնշանակի, որ Ադրբեջանը հարձակվել է ռուս խաղաղապահների և Ռուսաստանի վրա։
«Այս դեպքում լրիվ ուրշ պատերազմ կսկսվի։ Դա չի լինի պատերազ Հայաստանի և Ադրբեջանի կամ Արցախի և Ադրբեջանի միջև։ Իսկ ես չեմ կարծում, որ Ադրբեջանում սա չեն հասկանում»,- նշել է արտգործնախարարը։
Այս ամենը հաշվի առնելով՝ Դավիթ Բաբայանը այս պահին պատերազմ սկսելու հավանականությունը շատ ցածր է գնահատել։
Ավելի վաղ ՌՈՒՍԱՐՄԻՆՖՈ-ի եթերում Դավիթ Բաբայանը զուգահեռներ է անցկացրել Ղազախստանում ծագած ահաբեկչական սպառնալիքի և Արցախում 44-օրյա պատերազմի ընթացքում Ադրբեջանի կողմից ահաբեկչական խմբավորումների ներգրավման միջև։
