Հայաստանի պաշտպանության նախկին փոխնախարար, ՀՀԿ անդամ Արտակ Զաքարյանը ՌՈՒՍԱՐՄԻՆՖՈ-ի եթերում ասել է, որ եթե 2018 թվականին Հայաստանում իշխանափոխություն չլիներ, արցախյան հակամարտությունը կլուծվեր խաղաղ ճանապարհով։
Զաքարյանի խոսքով՝ 2016 թվականի ապրիլյան պատերազմից հետո համաշխարհային հանրությունը և հատկապես Մինսկի խումբը համոզված էին, որ հակամարտությունը չի կարող լուծվել ռազմական ճանապարհով։
«Սակայն երկու տարի անց փողոցից իշխանության եկան պատահական մարդիկ, ովքեր հայտարարեցին, որ բանակցությունները սկսում են զրոյից և խառնեցին բանակցային գործընթացի բոլոր տարրերը։ Նրանք մերժեցին Վիեննայի և Պետերբուրգի պայմանագրերը և առաջ քաշեցին մյունխենյան պայմանագրերը։ Բանակցություններ էին վարում վերելակներում» ,- ասել է նա։
Նախկին փոխնախարարը վստահություն է հայտնել, որ եթե Հայաստանում իշխանափոխություն չլիներ, ապա պատերազմ չէր լինի։
«Սերժ Սարգսյանը որոշել էր վարչապետ դառնալ բացառապես Արցախի հարցը լուծելու համար» ,- ասել է Զաքարյանը։
Արտակ Զաքարյանը նաև ասել է, որ նախատեսվում էր վերադարձնել հինգ շրջան, որից հետո խաղաղապահներ պետք է մտնեին տարածաշրջան, զուգահեռաբար ԵԱՀԿ հովանու ներքո պետք է ստեղծվեր հանձնաժողով, որը կզբաղվեր Արցախի կարգավիճակի հարցով։
Ավելի վաղ ՌՈՒՍԱՐՄԻՆՖՈ-ն հայտնել էր, որ դեկտեմբերի 10-ին, ժամը 12-ի սահմաններում, Ադրբեջանի զինված ուժերի ստորաբաժանումները հարձակվել են արևելյան ուղղությամբ տեղակայված հայկական դիրքերի վրա։
Մանրամասները՝ տեսանյութում: