Rusarminfo Российско-Армянское информационное агентство
ՌՈՒՍԱՐՄԻՆՖՈ-ի եթերում քաղաքական մեկնաբան Հայկ Խալաթյանը հայտարարել է, որ Հայաստանը բանակցային գործընթացում շարունակում է հանդես գալ թույլ կողմի դիրքերից։
«Միջազգային հանրության մոտ տպավորություն է ստեղծվել, որ Հայաստանը պատրաստ է ցանկացած, ամենախայտառակ զիջումների, միայն թե պատերազմ չսկսվի»,- ասել է նա։
Խալաթյանի խոսքով՝ բոլոր խոշոր խաղացողները, այդ թվում՝ արևմտյան երկրները և ԱՄՆ-ը, իրենց շահերն ունեն Ադրբեջանում։
«Մայիսի սկզբին (2021 թ. – խմբ.) ԱՄՆ կառավարությունը սառեցրեց 907-րդ փոփոխության գործողությունը, որն արգելում է ռազմական օգնություն տրամադրել Ադրբեջանին։ Էնթոնի Բլինկենը, դիմելով Կոնգրեսին, ասել է. «Մենք վստահ ենք, որ փոփոխության սառեցումը չի հանգեցնի Հայաստանի դեմ Ադրբեջանի ագրեսիային»։ Մենք արդեն տեսնում ենք Ադրբեջանի ագրեսիայի երկրորդ դեպքը, դուք տեսե՞լ եք որևէ հայտարարություն ԱՄՆ-ից, որ այդ փոփոխությունը նորից գործելու է»,- ասել է նա։
Հայկ Խալաթյանն ընդգծել է, որ առաջին հերթին Հայաստանն ինքը պետք է ցույց տա, որ պատրաստ է պաշտպանել իր տարածքներն ու շահերը։
Ավելի վաղ ՌՈՒՍԱՐՄԻՆՖՈ-ի եթերում «Մարտական եղբայրություն» կազմակերպության համահիմնադիր Վան Ահարոյանը պատմել էր Ադրբեջանի վերջին հարձակման մասին։
Մանրամասները՝ տեսանյութում։
