Rusarminfo Российско-Армянское информационное агентство
ԱԺ «Քաղաքացիական պայմանագիր» խմբակցության անդամ Գևորգ Պապոյանը ՌՈՒՍԱՐՄԻՆՖՈ-ի եթերում խոսել է տարածաշրջանում կոմունիկացիաների ապաշրջափակման գործընթացի և այդ համատեքստում ընդդիմության արտահայտած մտահոգությունների մասին։
Ըստ Պապոյանի՝ սխալ է ասել, թե Հայաստանը գնում է ապաշրջափակման, քանի որ հանրապետությունը, ի տարբերություն Թուրքիայի և Ադրբեջանի, երբեք չի նախաձեռնել փակել սահմանները հարևանների հետ։
Պապոյանը նշել է, որ երկարաժամկետ շրջափակման արդյունքում Հայաստանը տասնյակ միլիարդավոր դոլարների կորուստ է ունեցել։ Նրա կարծիքով՝ նրանք, ովքեր դեմ են ապաշրջափակմանը, կողմ են երկրի տնտեսության չզարգանալուն։
Պատգամավորն ընդգծել է նաև, որ ընդդիմության պնդումներն անհիմն են և հերքվել են։ Պապոյանը հայտարարել է, որ ընդդիմությունն օգտագործում է նույն հռետորաբանությունը, ինչ ադրբեջանական և թուրքական կողմերը, մասնավորապես՝ օգտագործելով Զանգեզուրի միջանցքի մասին թեզը։
Ավելի վաղ ՌՈՒՍԱՐՄԻՆՖՈ-ի եթերում քաղաքագետ Հակոբ Բադալյանը մեկնաբանել էր Զանգեզուրի միջանցքի մասին Ադրբեջանի ղեկավարության հայտարարությունները։
Մանրամասները՝ տեսանյությում:
