Ամերիկացի սենատորը զեկույց է պահանջել Արցախի դեմ անօդաչու թռչող սարքերի կիրառման վերաբերյալ

Ամերիկացի սենատոր Բոբ Մենենդեսը պահանջել է, որ ԱՄՆ պետքարտուղարությունը և պաշտպանության նախարարությունը զեկույց պատրաստեն 2018 թվականից հետո Թուրքիայում մշակված հարձակողական անօդաչու թռչող սարքերում ամերիկյան տեխնոլոգիաների և դրանց մասերի օգտագործման վերաբերյալ։

Ինչպես հայտնում է Ամերիկայի Հայ դատի հանձնախումբը Twitter-ի իր միկրոբլոգում, Մենենդեսը նշել է, որ Ադրբեջանը 2020 թվականին Արցախի դեմ պատերազմում օգտագործել է թուրքական «Բայրաքթար» անօդաչու թռչող սարքերը։

Մենենդեսը նաև ուղղում է ներկայացրել 907-րդ հոդվածում, որով ԱՄՆ նախագահը զրկվում է Ադրբեջանին օգնություն տրամադրելու վերաբերյալ սհամանափակումերը ժամանակավորապես սահմանափակելու իրավունքից։ Ջո Բայդենի վարչակազմը երկարացրել էր այս կետի կիրառումը։
Արդյունքում թույլատրվել է ԱՄՆ-ի ուղղակի օգնությունն Ադրբեջանին։

Ավելի վաղ ՌՈՒՍԱՐՄԻՆՖՈ-ն հայտնել էր, որ ԱՄՆ Սենատի հանձնաժողովը հրապարակել է 2022 ֆինանսական տարվա համար հատկացումների օրինագիծ, որտեղ ներկայացված է առաջարկ՝ Արցախին 2 մլն դոլար օգնություն հատկացնելու վերաբերյալ։