Rusarminfo Российско-Армянское информационное агентство
Արցախի Հանրապետության պետական նախարար Արտակ Բեգլարյանը հայտնել է, որ հրավիրված է 44-օրյա պատերազմի զոհերի հիշատակին նվիրված միջոցառման։
«Նոյեմբերի 7-ին Բոստոնում կայանալիք այս միջոցառման կազմակերպիչների կողմից հրավիրված եմ ելույթ ունենալու այնտեղ՝ ներկայացնելու համար Արցախի ներկա իրավիճակն ու ապագայի մեր տեսլականն ու անելիքները, քանի որ այդ օրերին լինելու եմ Բոստոնում»,-ֆեյսբուքում գրել է Բեգլարյանը:
Միջոցառումը կազմակերպում է Բոստոնի հայ համայնքը։
«Ադրբեջանա-թուրքական ագրեսիայի ժամանակ օգտագործվել են ժամանակակից զենքեր անօդաչու թռչող սարքեր, վարձկաններ և քիմիական զենք ահաբեկչություն սանձազերծելու համար։ Փորձ է արվել ջնջել իրենց բուն տարածքներում խաղաղ ապրող հայերի բոլոր հետքերը։ Համավարակով տարված աշխարհը պասիվ հետևել է նեոօսմանական, պանթյուրքական ծայրահեղականության այդ վառ դրսևորմանը»,- նշվում է միջոցառման մասին հաղորդագրության մեջ:
Ավելի վաղ ՌՈՒՍԱՐՄԻՆՖՈ-ն հայտնել էր, որ ԱՄՆ կոնգրեսական, Հայաստանի հարցերով հանձնաժողովի համանախագահ Ֆրենկ Փալոնեն հանդիպում է ունեցել Արցախի պետական նախարար Արտակ Բեգլարյանի հետ:
