Rusarminfo Российско-Армянское информационное агентство
Ադրբեջանի նախագահ Իլհամ Ալիևը Բաքվի 8-րդ գլոբալ ֆորումում կրկին խոսել է հայ-ադրբեջանական հարաբերություններից։
Ըստ Ալիևի արցախյան հակամարտությունն արդեն լուծված է, և Բաքուն ինքն է լուծել այդ խնդիրը։
«Մենք ՄԱԿ-ի Խարտիայի 51-րդ հոդվածի հիման վրա օգտվել ենք ինքնապաշտպանության իրավունքից և, հենվելով միջազգային իրավունքի վրա, կիրառել ենք դա»,-Ալիևի խոսքերն է մեջբերում Սպուտնիկ Ադրբեջանը:
Ադրբեջանի ղեկավարն ասլ է, որ բոլոր այս տարիներին պաշտոնական Երևանը բանակցությունները օգտագործել է ստատուս քվոն պահպանելու համար: Նրա խոսքով, Հայաստանի պաշտոնատար անձանց գործողությունները ցույց տվեցին, որ հայկական կողմը մտադիր չէ հեռանալ Արցախից, և դա, ըստ էության, նշանակում էր բանակցությունների դադարեցում:
Ալիևը նաև հայտարարել է, որ Ադրբեջանն առաջարկել է Հայաստանին աշխատանք սկսել խաղաղ պայմանագրի շուրջ, սակայն այդ առաջարկն անպատասխան է մնացել: Ադրբեջանի նախագահի խոսքով Բաքուն նաև առաջարկել է Հայաստանի հետ սահմանի սահմանազատման և սահմանագծման գործընթաց սկսել:
Ավելի վաղ ՌՈՒՍԱՐՄԻՆՖՈՆ հայտնել էր, որ մոտ ժամանակներս կարող է տեղի ունենալ Հայաստանի արտգործնախարար Արարատ Միրզոյանի հանդիպումը Ադրբեջանի արտաքին քաղաքական գերատեսչության ղեկավարի հետ:
