Saturday , December 3 2022
amru
Home / Լրահոս / Ադրբեջանն ընդհանուր առմամբ կողմ է 3+3 ձևաչափին

Ադրբեջանն ընդհանուր առմամբ կողմ է 3+3 ձևաչափին

Ադրբեջանի նախագահի օգնական Հիքմեթ Հաջիևը հայտարարել է, որ Բաքուն շարունակում է դիվանագիտական խողովակներով գործընկերների հետ քննարկել տարածաշրջանային համագործակցության 3 + 3 մեխանիզմի ստեղծման հարցը:

Հաջիևը նշել է, որ այդ ձևաչափը որոշում է տարածաշրջանում հետագա համագործակցության ուղղությունները:

«Այս պահին այդ կապակցությամբ դիվանագիտական ուղիներով շփումներ են ընթանում։ Ընդհանուր առմամբ, Ադրբեջանն աջակցում է այդ գործընթացին»,-Հաջիեւի խոսքը մեջբերում է ՏԱՍՍ-ը։

Նրա խոսքով, Ադրբեջանը պատրաստ է այդ ձևաչափի հիման վրա շարունակել քննարկումները և ստեղծել տարածաշրջանային համագործակցության նոր հարթակ:

Տարածաշրջանային համագործակցության 3+3 ձեւաչափի (Հայաստան, Ադրբեջան, Վրաստան, Ռուսաստան, Իրան, Թուրքիա) ստեղծումն առաջարկել են Ադրբեջանի և Թուրքիայի նախագահները:

Ռուսական կողմը պաշտպանել է այդ գաղափարը, Վրաստանը դեմ է արտահայտվել։Հայաստանի պաշտոնյաները նշում են, որ այդ մեխանիզմի վերաբերյալ դիրքորոշում հայտնելու համար նախ պետք է հասկանալ, թե ինչպես է աշխատելու այն և ինչ խնդիրներ է լուծելու:

Ավելի վաղ ՌՈՒՍԱՐՄԻՆՖՈ-ն հայտնել էր, որ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան աջակցում է 3+3 խորհրդատվական տարածաշրջանային մեխանիզմի ստեղծման գաղափարին:

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …