Rusarminfo Российско-Армянское информационное агентство
Արցախի հանրապետության պետական նախարար Արտակ Բեգլարյանն ԱՄՆ-ում այցելել է Լոս Անջելեսի քաղաքապետարան և հանդիպել քաղաքային խորհրդի մի խումբ անդամների հետ:
Այս մասին Արտակ Բեգլարյանը հայտնել է իր ֆեսբուքյան էջում: Պետնախարարը նշել է, որ քաղաքային խորհրդի անդամ Փոլ Քրիքորյանի ջանքերով ու նրա գործընկերների ակտիվ աջակցությամբ Լոս Անջելեսի քաղաքի խորհուրդը մշտապես սատարել է Արցախի պայքարին:
«Խորհրդի անդամները ևս մեկ անգամ վերահաստատել են իրենց սատարումն արցախցիների իրավունքներին և Արցախի անկախության միջազգային ճանաչմանը»,- ասված է գրառման մեջ:
Ըստ հաղորդագրության, հաշվի առնելով հետպատերազմյան առաջնահերթությունները, քննարկվել են առկա հարաբերությունների խորացմանը վերաբերող մի շարք հարցեր:
Ավելի վաղ ՌՈՒՍԱՐՄԻՆՖՈ-ն հայտնել էր, որ Արցախի Հանրապետության պետնախարար Արտակ Բեգլարյանը հանդիպել է ԱՄՆ կոնգրեսի անդամ Դևիդ Վալադաոյի հետ:
