Saturday , November 27 2021
amru
Home / Լրահոս / Քոչարյանի դատավարությունը հետաձգվեց. ՀՀ երկրորդ նախագահը հնարավոր է` վարակվել է կորոնավիրուսով

Քոչարյանի դատավարությունը հետաձգվեց. ՀՀ երկրորդ նախագահը հնարավոր է` վարակվել է կորոնավիրուսով

ՀՀ երկրորդ նախագահ Ռոբերտ Քոչարյանի գործով դատական նիստը հետաձգվել է, քանի որ կասկած կա, որ Քոչարյանը հիվանդացել է կորոնավիրուսով։

Ռոբերտ Քոչարյանի պաշտպան Հայկ Ալումյանը Երևանի ընդհանուր իրավասության դատարանում ասել է, որ ՀՀ երկրորդ նախագահը կորոնավիրուսի թեստ է հանձնել։

Ալումյանը նշել է, որ Քոչարյանի ջերմությունը գիշերը բարձրացել է, նա շփում է ունեցել հարազատի հետ, ում մոտ ախտորոշվել է կորոնավիրուս:

«Ռոբերտ Քոչարյանը չի եկել, որ ուրիշներին վտանգի չենթարկի, բայց անհրաժեշտության դեպքում պատրաստ է մասնակցել դատական նիստին»,-ընդգծել է փաստաբանը։

Գործով դատավոր Աննա Դանիբեկյանը որոշել է դատական նիստը հետաձգել մինչև 2021 թվականի նոյեմբերի 9-ը։ Հայաստանի նախկին նախագահը մեղադրվում է առանձնապես խոշոր չափերով կաշառք ստանալու մեջ:

Ավելի վաղ ՌՈՒՍԱՐՄԻՆՖՈ-ն հայտնել էր, որ Երևանում շարունակվում է ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով դատավարությունը։

Leave a Reply

Կարդացեք նաև

ՀՀ ՊՆ-ը հայտնել է 6 զոհված զինծառայողների մասին

Պաշտպանության նախարարությունը հայտնում է, որ Հայաստանի արևելյան սահմանին մարտական գործողությունների հետևանքով՝ նախնական տվյալներով, հայկական կողմից …