Rusarminfo Российско-Армянское информационное агентство
Թուրքիայի նախագահ Ռեջեփ Թայիփ Էրդողանը լրագրողների հետ զրույցում հայտարարել է, թե իբր Հայաստանի վարչապետ Նիկոլ Փաշինյանը զրույց է ունեցել Ադրբեջանի նախագահ Իլհամ Ալիևի հետ ։
Ինչպես տեղեկացնում է Ermenihaber-ը, Էրդողանը ասել է, թե զրույցի ընթացքում Փաշինյանն ու Ալիևը քննարկել են տարածաշրջանում 3+3 պլատֆորմի ստեղծման հարցը։
«Ռուսաստանը, Ադրբեջանը, Թուրքիան, Իրանը, Վրաստանը և նրանց կողքը գտնվող Հայաստանը, եթե համաձայնեն, մենք իսկապես խաղաղության հարթակ կստեղծենք»,-ընդգծել Է Էրդողանը:
Թուրքիայի նախագահը նաև ասել է, որ Ֆրանսիայի նախագահ Էմանուել Մակրոնի հետ հանդիպմանը քննարկել են մի շարք հարցեր, այդ թվում՝ Հարավային Կովկասի վերաբերյալ: Էրդողանի խոսքով՝ ինքը Մակրոնին ասել է, որ Ադրբեջանի նախագահը վճռական է տարածաշրջանում դրական քայլեր իրականացնելու հարցում։
Ավելի վաղ ՌՈՒՍԱՐՄԻՆՖՈ-ն հայտնել էր, որ Թուրքիայի նախագահը հոկտեմբերի 31-ին Հռոմում G20-ի գագաթնաժողովի արդյունքներով կայացած մամուլի ասուլիսում կրկին անդրադարձել է Հայաստանի հետ հարաբերությունների հաստատմանը:
