Rusarminfo Российско-Армянское информационное агентство
ՌՈՒՍԱՐՄԻՆՖՈ-ի եթերում թուրքագետ Նելլի Մինասյանը մեկնաբանել է Թուրքիայի ղեկավարության պանթյուրքիստական գաղափարները։
Նրա խոսքով, Թյուրքական պետությունների խորհուրդը վերածվում է ավելի լուրջ ինտեգրացիոն կառույցի՝ Թյուրքական միության, որի ստեղծման խոչընդոտը Հայաստանն է։
«Այս ճանապարհին խնդիրն այն է, որ չկա ցամաքային սահման: Նրանց տարածքները բաժանում է Հայաստանի Սյունիքի մարզը։ Ուստի դա անհնար է անել առանց իրենց ուզած միջանցքի ստեղծման»,- ասել է նա։
Նելլի Մինասյանը հավելել է, որ Թյուրքական միությունը կարող է գնալ Եվրոմիության ճանապարհով և հասնել ինտեգրման խորը աստիճանի։ Նա նաև չի բացառել, որ կարող են ստեղծվել համընդհանուր զինված ուժեր:
Ավելի վաղ ՌՈՒՍԱՐՄԻՆՖՈ-ի եթերում Նելլի Մինասյանը հայտարարել էր, որ Թուրքիան շարունակում է Հայաստանի առաջ հարաբերությունների կարգավորման նոր նախապայմաններ դնել։
