Rusarminfo Российско-Армянское информационное агентство
ՌՈՒՍԱՐՄԻՆՖՈ-ի եթերում թուրքագետ Նելլի Մինասյանը մեկնաբանել է Թուրքիայի ժամանակակից քաղաքական ուղղությունը Հայաստանի նկատմամբ։
Նրա խոսքով, Թուրքիան, ինչպես նախկինում, նորանոր նախապայմաններ է առաջադրում հարաբերությունների կարգավորման համար։
«Թուրքիան նախկինում երեք պայման էր առաջադրում՝ ճանաչել փաստացի սահմանները , հրաժարվել Հայոց Ցեղասպանության ճանաչման պահանջից, հրաժարվել Արցախից։ Այժմ դրանց ավելացել է նաև Բաքվի հետ հարաբերությունները բարելավելու, ինչպես նաև Մեղրի միջանցք տրամադրելու պահանջը»,- ասել է նա։
Նելլի Մինասյանը նշել է, որ երբ Թուրքիան և Ադրբեջանը խոսում են «միջանցքի» մասին, նկատի ունեն, որ իրենց ռազմական վերահսկողության տակ պետք է անցնի Նախիջևանը Ադրբեջանի արևմտյան շրջանների հետ կապող ճանապարհը, ինչը մարտահրավեր է Հայաստանի ինքնիշխանությանը։
Ավելի վաղ ՌՈՒՍԱՐՄԻՆՖՈ-ին տված հարցազրույցում ռազմական փորձագետ Կարեն Հովհաննիսյանը մեկնաբանել էր Թուրքիայի նախագահ Ռեջեփ Էրդողանի հերթական այցը Իլհամ Ալիևին։
