Ադրբեջանը բուռն է արձագանքել ռեժիսոր Ջիվան Ավետիսյանի «Դրախտի դարպասները» ֆիլմի՝ Օնտարիոյի (Կանադա) միջազգային կինոփառատոնում միանգամից 4 անվանակարգերում հաղթելու փաստին։
Մասնավորապես, ադրբեջանցի պատգամավոր, մշակույթի կոմիտեի նախագահի տեղակալ Ֆազիլ Մուստաֆան վրդովմունք է հայտնել, որ հայերի նկարահանած վավերագրական ֆիլմը հաղթել է միջազգային կինոփառատոնում, իսկ ադրբեջանցիներն այդպես էլ ոչ մի ֆիլմ չեն նկարահանել 44-օրյա պատերազմի մասին։
Haqqin.az-ի հաղորդմամբ՝ պատգամավորը նշել է, որ ադրբեջանցի կինոգործիչներն ու հեռուստաընկերությունները դեռևս զբաղված են պարզունակ սերիալների արտադրությամբ։
Ավելի վաղ ՌՈՒՍԱՐՄԻՆՖՈ-ն հայտնել էր, որ Արցախի մասին Ջիվան Ավետիսյանի «Դրախտի դարպասները» վավերագրական ֆիլմը Օնտարիոյի միջազգային կինոփառատոնում հաղթել է 4 անվանակարգում՝ «Լավագույն ձայն», «Լավագույն երաժշտություն», «Լավագույն սցենար» և «Օտարերկրյա գեղարվեստական ֆիլմ» անվանակարգում՝ «Լավագույն միջազգային ֆիլմ»: