Saturday , November 27 2021
amru
Home / Էքսկլյուզիվ / Ինչու են հայերը բոյկոտել ՅՈՒՆԵՍԿՕ-ի երեկոն Փարիզում

Ինչու են հայերը բոյկոտել ՅՈՒՆԵՍԿՕ-ի երեկոն Փարիզում

Ֆրանսահայ ռեժիսոր Սերժ Ավեդիկյանը ՌՈՒՍԱՐՄԻՆՖՈ-ի եթերում պատմել է, որ ինքը և հայ համայնքի այլ ներկայացուցիչներ հրաժարվել են մասնակցել ֆրանսահայ ռեժիսոր Անրի Վեռնոյի 100-ամյակին նվիրված` ՅՈՒՆԵՍԿՕ-ի կազմակերպած երեկոյին։

Ավեդիկյանի խոսքով՝ ինքն այդ քայլին գնացել է 44-օրյա պատերազմից հետո Արցախի նկատմամբ ՅՈՒՆԵՍԿՕ-ի պահվածքի պատճառով։

«ՅՈՒՆԵՍԿՕ-ի առաքելությունը մեկնել է Բաքու, բայց նրանք այդպես էլ չեն գնացել Արցախ և վերադարձել են։ Գնահատական չի եղել, թե ինչ վիճակում են գտնվում Ադրբեջանի վերահսկողության տակ անցած եկեղեցիները։ Նրանք չեն ուսումնասիրել, թե ինչպես է ընթացել պատերազմը: ՅՈՒՆԵՍԿՕ- ն չի կատարել իր գործառույթը։ Դրա համար էլ ես բոյկոտել եմ: Այս պայմաններում մենք չենք կարող ՅՈՒՆԵՍԿՕ–ին ասել՝ ինչ լավ է, որ դուք տոնում եք Վերնոյի 100-ամյակը»,- ընդգծել է նա։

Սերժ Ավեդիկյանը նշել է, որ ինքը համաձայն չէ նաև, որ այդ երեկոն տեղի է ունեցել Փարիզում ՅՈՒՆԵՍԿՕ-ի կենտրոնակայանում, այլ ոչ թե հատուկ դահլիճում, որտեղ կարելի էր ցուցադրել Անրի Վերնոյի ֆիլմերը:

Ավելի վաղ ՌՈՒՍԱՐՄԻՆՖՈ-ի եթերում Սերժ Ավեդիկյանը հայտարարել էր, որ հայերին ավելի ձեռնտու կլիներ, եթե Թուրքիան ժամանակին անդամակցեր Եվրոմիությանը:

Leave a Reply

Կարդացեք նաև

ՀՀ ՊՆ-ը հայտնել է 6 զոհված զինծառայողների մասին

Պաշտպանության նախարարությունը հայտնում է, որ Հայաստանի արևելյան սահմանին մարտական գործողությունների հետևանքով՝ նախնական տվյալներով, հայկական կողմից …