Պատերազմից հետո ես նամակ եմ գրել Վլադիմիր Պուտինին. Արմեն Սարգսյան

ՀՀ նախագահ Արմեն Սարգսյանն անդրադարձել է Հայաստանի և Ադրբեջանի միջև սահմանագծման և սահմանազատման խնդրին։

Նա նշել է, որ 44-օրյա պատերազմից հետո նամակ է գրել ՌԴ նախագահին՝ սահմանային հարցերի վերաբերյալ։

«Պատերազմից հետո ես նամակ գրեցի Վլադիմիր Վլադիմիրովիչին, քանի որ գիտեի, որ քարտեզները պահվում են Ռուսաստանում։ Ես չգիտեի, թե կոնկրետ որտեղ են դրանք պահվում։ Պատերազմի դադարեցման առաջին օրվանից սահմանին հայտնված գյուղերի հետ կապված հսկայական խնդիրներ կային։ Խնդիրներ են առաջացել նաև հանքարդյունաբերությամբ զբաղվող ընկերությունների, այդ թվում՝ Ռուսաստանի քաղաքացիների համար»,- ասել է նախագահը РБК-ին տված հարցազրույցում։

Նա ընդգծել է, որ Ադրբեջանը սահմանը որոշելու համար օգտագործում է վիրտուալ քարտեզներ։ Սարգսյանի խոսքով, ինքը գլուխ է հանում ծրագրավորումից, և կարելի է նկարել այն, ինչ ցանկանաս:

Անդրադառնալով Հայաստանի և Ադրբեջանի միջև պետական սահմանի որոշման հարցին՝ Սարգսյանը հայտարարել է, որ առանց Ռուսաստանի մասնակցության հնարավոր չէ այդ հարցը լուծել։

Նախագահն ընդգծել է, որ բացի վիրտուալ քարտերից, կան նաև իրական քարտեզներ, որոնք կազմվել են խորհրդային տարիներին՝ Մոսկվայի, Երևանի և Բաքվի մասնակցությամբ։

Ավելի վաղ ՌՈՒՍԱՐՄԻՆՖՈ-ն հայտնել էր, որ ՀՀ Անվտանգության խորհրդի քարտուղար Արմեն Գրիգորյանն ասել է, որ Հայկական և Ադրբեջանական ԽՍՀ սահմանների սահմանազատման գործընթացները սկսվել են 1920-ական թվականներին, և արդյունքում բոլոր քարտեզները կազմվել են՝ հաշվի առնելով այդ տարիների տվյալները։