Rusarminfo Российско-Армянское информационное агентство
Ամերիկայի Հայկական Համագումարը հայտնում է, որ ԱՄՆ սենատի կոմիտեն հրապարակել է 2022 թվականի ֆինանսական աջակցություններ տրամադրելու օրինագիծը, որտեղ առաջարկվում է 2 միլիոն դոլարի հումանիտար օգնություն հատկացնել Արցախին՝ ականազերծման և զինմթերի ոչնչացման համար այն տարածքներում, որտեղ 2020 թվականին մարտական գործողությոններ են տեղի են ունեցել:
Կոմիտեն մտահոգություն է հայտնել հակամարտության կարգավորման ձգձգման վերաբերյալ և խնդրել է պետքարտուղարին խորհրդակցել հատկացումների հանձնաժողովների հետ` նախքան Հայաստանին և Ադրբեջանին տրամադրվող օգնության վերաբերյալ «IV» անվանումով օրենքի ընդունումը:
Այս օրենքը կրկնում է Ազատության աջակցության ակտի 907-րդ հոդվածը, որն ընդունվել է 1992 թվականին: Այս հոդվածում նշվում է, որ ԱՄՆ-ը միջոցներ չի տրամադրի Ադրբեջանին այնքան ժամանակ, քանի դեռ նախագահը չի որոշել և կոնգրեսին տեղեկացրել, որ Ադրբեջանի կառավարությունը տեսանելի քայլեր է ձեռնարկում Հայաստանի և Արցախի դեմ շրջափակումներն ու ուժի այլ կիրառումները վերացնելու ուղղությամբ:
Ավելի վաղ ՌՈՒՍԱՐՄԻՆՖՈ-ն հայտնել էր, որ ԱՄՆ Ներկայացուցիչների պալատը Ադրբեջանից պահանջել է ազատ արձակել բոլոր հայ ռազմագերիներին:
