Rusarminfo Российско-Армянское информационное агентство
Ռուսաստանի Դաշնության արտաքին գործերի նախարար Սերգեյ Լավրովը հոկտեմբերի 18-ին հեռախոսազրույց է ունեցել Կարմիր խաչի միջազգային կոմիտեի (ԿԽՄԿ) նախագահ Պետեր Մաուրերի հետ:
Ինչպես հաղորդում է Ռուսաստանի ԱԳՆ մամուլի ծառայությունը, զրուցակիցները մտքեր են փոխանակել աշխարհի տարբեր տարածաշրջաններում ճգնաժամային արձագանքման թեմաների շուրջ: Քննարկել են հումանիտար իրավիճակը Սիրիայում, Աֆղանստանում, Մյանմայում, ներուկրաինական և արցախյան հակամարտությունների գոտիներում:
Նշվում է, որ զրուցակիցները երկուստեք հետաքրքրություն ներկայացնող ուղղություններով հետագա արդյունավետ փոխգործակցության պատրաստակամություն են հայտնել, քննարկել են ԿԽՄԿ գործունեությանը աջակցելու եղանակները:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ռուսաստանի ԱԳ նախարար Սերգեյ Լավրովը հայտարարել է, որ Հայաստանը շահագրգռված է երկրում ռուսաց լեզվի դիրքերը ամրապնդելու հարցում:
