Rusarminfo Российско-Армянское информационное агентство
Հոկտեմբերի 6-ին Իտալիայի խորհրդարանում ՀՀ Մարդու իրավունքների պաշտպան Արման Թաթոյանը 2020 թվականի արցախյան պատերազմից հետո հայ գերիների նկատմամբ ադրբեջանական խոշտանգումների և դաժան վերաբերմունքի վերաբերյալ զեկույցներ և ապացույցներ է ներկայացրել:
Թաթոյանը խոսել է Ադրբեջանում պահվող հայ ռազմագերիների շուտափույթ վերադարձի մասին՝ շեշտելով, որ Ադրբեջանը խախտում է միջազգային իրավունքի պահանջներն ու գերիներին պահում է ռազմաքաղաքական սակարկությունների նպատակով:
Պաշտպանն անդրադարձել է նաև է պատերազմից հետո ադրբեջանցի զինծառայողների անօրինական տեղակայումներին ՀՀ միջհամայնքային ճանապարհներին, ինչը վտանգել է մարդկանց կյանքն ու առողջությունը:
«Մարդու իրավունքների խախտումների, այդ թվում՝ խոշտանգումների ու անմարդկային վերաբերմունքի հիմքում ադրբեջանական իշխանությունների հայատյացության և թշնամանքի քաղաքականությունն է, որը դեռեւս շարունակվում է»,- ընդգծել է Հայաստանի Մարդու իրավունքների պաշտպանը:
Ավելի վաղ ՌՈՒՍԱՐՄԻՆՖՈ-ն հայտնել էր, որ հայկական պատվիրակությունը Վատիկանի պետքարտուղար կարդինալ Պիետրո Պարոլինին պատմել է Բաքվի հանցավոր գործողությունների մասին:
