Rusarminfo Российско-Армянское информационное агентство
Թուրք վերլուծաբան Գյոքթուրք Թուիսուզօղլուն հոդված է գրել Հարավային Կովկասի տարածաշրջանում վերջին զարգացումների մասին:
Թուիսուզօղլուն անդրադարձել է Զանգեզուրի միջանցքի խնդրին, նշելով, որ այն պետք է գործի Լաչինի միջանցքի նմանությամբ, սակայն, ըստ նրա, այս ուղղությամբ արդյունավետ քայլեր չեն ձեռնարկվում:
Թուրք վերլուծաբանի կարծիքով՝ միակ լուծումը, որը Նախիջևանը կազատի Իրանի կախվածությունից, Զանգեզուրի միջանցքի ծրագրի իրագործումն է:
Այս համատեքստում նա նշել է, որ, ըստ որոշ տեղեկությունների, Հայաստանն Իրանին առաջարկել է Սյունիքի մարզում ռազմաօդային ուժերի բազա տեղադրել:
Թուիսուզօղլուն ընդգծել է, որ եթե անգամ այս բազան բացվի, այն կարող է օգտագործվել միայն Ռուսաստանի թույլտվությամբ և վերահսկողությամբ:
«Հաշվի առնելով վերջին լարվածությունը և Իրանի ու Ադրբեջանի միջև ռազմական էսկալացիան, պարզ է, որ Երևանը ցանկանում է օգտվել այս իրավիճակից»,- վերլուծաբանի խոսքերն է մեջբերում Ermeni haber պարբերականը:
Թուիսուզօղլուն ընդգծել է նաև, որ թուրքական կողմն այս գործընթացում պետք է հետևի Ռուսաստանի հայտարարություններին:
Ավելի վաղ ՌՈՒՍԱՐՄԻՆՖՈ-ն հայտնել էր, որ Թուրքիայի նախագահ Ռեջեփ Էրդողանը հայտարարել է Զանգեզուրի միջանցքի բացման անհրաժեշտության մասին:
