Հոկտեմբերի 5-ին Ռուսաստանում Իսրայելի դեսպան Ալեքսանդր Բեն Ցվին լրագրողներին տված հարցազրույցում անդրադարձել է Արցախում իսրայելցի զինվորականների ներկայության մասին տեղեկություններին, դրանք որակելով «մեծ հիմարություն»:
«Կարծում եմ, որ սա մեծ հիմարություն է, որովհետև, եթե խոսքը Արցախի մասին է, ապա այնտեղ կան և՛ ռուս, և՛ թուրք զինծառայողներ: Այսպիսով, ես կարծում եմ, որ եթե նրանք ինչ-որ երևակայական մտքեր ունեն, կարող են ասել, ինչ ուզում են, մինչև անգամ, որ այնտեղ մարսեցիներ էլ կան»,- դեսպանի խոսքերն է մեջբերում «ՌԻԱ Նովոստի»-ն:
Իր հերթին Իրանը բազմիցս հայտարարել է, որ Արցախում իսրայելակական ներկայություն կա:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի նախագահ Իլհամ Ալիևը հերքել է Իրանի այն հայտարարությունները, թե ադրբեջանա-իրանական սահմանին իսրայելակակն ներկայություն կա: