Rusarminfo Российско-Армянское информационное агентство
ՌՈՒՍԱՐՄԻՆՖՈ-ի եթերում «Օրը» Նվեր Մնացականյանի հետ հաղորդման շրջանակում տարբեր բանախոսներ անդրադարձել են հայ-թուրքական հարաբերությունների կարգավորման հնարավորություններին՝ նշելով դրական եւ բացասական կողմերը:
Փարիզում ապրող քաղաքագետ Կայծ Մինասյանի խոսքով՝ Հայաստանը տարբեր գործընթացների ժամանակն շեշտել է, որ պատրաստ է վերսկսել հարաբերությունների կարգավորման երկխոսությունն առանց նախապայմանների, ինչը
նշանակում է, որ Հայաստանն ակնկալում է դրական քայլեր Թուրքիայի կողմից: Սակայն,եթե Թուրքիան բանակցությունների սեղանին նախապայմաններ դնի, ապա բանակցային գործընթացը կրկին կմտնի փակուղի:
Հարաբերությունների կարգավորման հնարավորության ֆոնին տնտեսական զարգացումների մասին խոսել է տնտեսագետ, Հայաստանի հանրապետության Կենտրոնական բանկի նախկին նախագահ Բագրատ Ասատրյանը: Նրա խոսքով պետք է ազատություն տալ Հայաստանի տնտեսությանը, որպեսզի մեծանան տնտեսական զարգացման հնարավորությունները:
Թուրքիայի հետ հարաբերություններ հաստատելու վերաբերյալ Թուրքիայի առաջարկներին անդրադարձել է երգիչ, երաժիշտ Արտո Թունջբոյաջյանը, ով երկու տարի զինվորական ծառայություն է անցել Թուրքիայում: Նրա պնդմամբ
Թուրքիայում ավելի շատ են ԴՆԹ-ով հայերը, քան բնիկ թուրքերը:
Թուրքիայի հետ բարիդրացիական հարաբերությունների մասին դրական կարծիք է հայտնել «Ձայն» կուսակցության նախագահ Արուսյակ Հայրապետյանը: Սակայն, ըստ նրա՝ դա բոլորովին չի նշանակում, որ Հայաստանը պետք է հրաժարվի Թուրքիայի նկատմամբ ունեցած իր պահանջներից:
