Հայկական թթի օղու մոգական ուժը ու Բաքվի էյֆորիան չեն լուծի Արցախի դրոշի հարցը

Կարելի է զարգացնել դրոշի ակցիան, բայց առանց ցուցադրականության ու պոպուլիզմի, եթե նպատակը հասնելն է նրան, որ Արցախի դրոշը նորից գրավի այն տեղը, որն զբաղեցնում էր Մինսկի խմբի սեղանին։ Այո, բարդ է, մանավանդ որ այդ սեղանն այլևս չկա, բայց եթե հաջողվի, կստանանք գոնե այսքան տարի մեզ տանջող հարցի պատասխանը, թե ինչու այդ սեղանին դրոշը կորցրեց իր տեղը, և ինչու նույն Մինսկի խումբը մոտ երեք տասնամյակ մնաց չբեր ու անպտուղ։ Հիշու՞մ եք, երբ համանախագահները Ստեփանակերտում կարմրած թշերով թթի օղի էին վայելում, հետո այնպիսի հիացմունքով խոսում Արցախի ինքնորոշման պատմական իրավունքի մասին, որ անգամ պատվողն էր հավատում թթի օղու մոգական ուժին։ Իսկ պատերազմը մոտենում էր, և պատերազմը եղավ, ինչպես եղավ ուկրաինական աղետը։ Հիմա ինքնախաբեություն չէ՞, թե Մինսկի խմբի ճակատագիրը որևէ մեկի ձեռքին է, էլ ուր մնաց ուկրաինական ցնցումներով շլացած Բաքվի։ Պարզ չէ՞, որ այդ ճակատագիրն այլևս ուղիղ պատանդ է սլավոնական աղետին, որի ավերակներում էլ կորոշվի՝ Մինսկի խմբի անդամ երկրների դրոշները կարո՞ղ են երբևէ լինել կողք-կողքի։ Հենց դա որոշվի, կորոշվի նաև, թե որտեղ …

Նվեր Մնացականյան