Rusarminfo Российско-Армянское информационное агентство
Հայաստանի գյուղատնտեսության նախկին փոխնախարար Գառնիկ Պետրոսյանը կարծում է, որ ուկրաինական իրադարձությունների պատճառով Հայաստանի Հանրապետությունը կարող է պարենային առումով լուրջ մարտահրավերների առաջ կանգնել։
ՌՈՒՍԱՐՄԻՆՖՈ-ի եթերում «Օրը Նվեր Մնացականյանի հետ» հաղորդման շրջանակներում Պետրոսյանը նշել է, որ Հայաստանը հացահատիկի առյուծի բաժինը ներկրում է Ռուսաստանից, ավելի քիչ քանակությամբ նաև Ուկրաինայից։
Նախկին փոխնախարարը կարծում է, որ այս պայմաններում Հայաստանին անհրաժեշտ է ավելացնել պարենային պաշարները, ինչպես նաև օգտագործել նոր հողատարածքներ հացահատիկի աճեցման համար, որոնցից շատերն այսօր չեն մշակվում։
Նրա խոսքով, եթե տարածաշրջանում 2-3 օր շարունակ ճգնաժամային իրադարձություններ տեղի ունենան, Հայաստանը լուրջ խնդիրների առաջ կկանգնի։
Ավելի վաղ ՌՈՒՍԱՐՄԻՆՖՈ-ի եթերում տնտեսագետ Ատոմ Մարգարյանը մեկնաբանել էր ռուբլու արժեզրկման ազդեցությունը Հայաստանի տնտեսության վրա։
Մանրամասները՝ տեսանյութում։
