Rusarminfo Российско-Армянское информационное агентство
ՀՀ ԱԺ «Հայաստան» խմբակցության անդամ Աղվան Վարդանյանն առաջարկում է պետական դրոշի գործածման պարտականություն սահմանել:
Խորհրդարանի պետաիրավական մշտական հանձնաժողովի փետրվաի 4-ի նիստում պատգամավորն առաջարկել է Հայաստանի կրթական, գիտական, մշակութային և մարզական բոլոր կազմակերպությունների, ինչպես նաև պետության և համայնքի կողմից հիմնադրված բոլոր իրավաբանական անձանց համար պարտադիր դարձնել ՀՀ պետական դրոշի գործածությունը։
Աղվան Վարդանյանն առաջարկում է նաև օրենքի մակարդակով կանոնակարգել պետական խորհրդանիշների հետ կապված երեք տոների՝ Սահմանադրության օրվա, Հանրապետության և Անկախության տոների ժամանակ հանրային օգտագործման վայրերին մոտ գտնվող շենքների վրա պետական դրոշի գործածման կարգը:
«Պետական խորհրդանիշներից դրոշը ամենատարածվածն է: Հայաստանում իհարկե, գործում է պետական դրոշի մասին օրենք, բայց այս նախաձեռնությամբ առաջարկվում է ընդլայնել դրոշի գործածման տարածքները»,- ասել է Աղվան Վարդանյանը:
Պատգամավորն առաջարկվել է նաև «Հայաստանի Հանրապետության դրոշի մասին» օրենքի պահանջների որոշակի խախտումների համար սահմանել վարչական պատասխանատվություն:
Ավելի վաղ ՌՈՒՍԱՐՄԻՆՖՈ-ն հայտնել էր, որ Արարատի մարզի Երասխ համայնքում Անկախության տոնին բարձրացվել է Հայաստանի ամենամեծ դրոշը։
