Rusarminfo Российско-Армянское информационное агентство
Թուրքիայի խորհրդարանի հայ պատգամավոր Կարո Փայլանը ՌՈՒՍԱՐՄԻՆՖՈ-ի եթերում մեկնաբանել է հայ-թուրքական հարաբերությունների կարգավորման գործընթացը։
Նրա խոսքով՝ երկու երկրների միջև բացվել է «հնարավորությունների նոր պատուհան»։ Պատգամավորը նշել է, որ 30 տարվա ընթացքում հարաբերությունները կարգավորելու ևս երկու հնարավորություն է եղել, սակայն այն չի օգտագործվել։
Փայլանը կարծում է, որ կարևոր է բացել Հայաստանի և Թուրքիայի միջև սահմանը, ինչը թույլ կտա երկխոսություն հաստատել երկրների և ժողովուրդների միջև՝ հնարավորություններ ստեղծելով առևտրային հարաբերությունների համար։
Պատգամավորի կարծիքով՝ գործընթացի վերջնական նպատակը պետք է լինի տարածաշրջանում խաղաղություն հաստատելը։
Ավելի վաղ ՌՈՒՍԱՐՄԻՆՖՈ-ին տված հարցազրույցում թուրքագետ Ռուբեն Սաֆրաստյանը մեկնաբանել էր Մոսկվայում Հայաստանի և Թուրքիայի հատուկ ներկայացուցիչների միջև կայացած հանդիպումը։
Մանրամասները՝ տեսանյութում։
