Կրասնայա փողոցը գլխավոր և կենտրոնական փողոցն է Կրասնոդարում (նախկինում՝ Եկատերինոդար)։
«Юг Times» հրատարակությունը հոդված է հրապարակել փողոցի պատմության մասին, որը պատմում է փողոցի արտաքին տեսքի ստեղծման գործում հայ հովանավորների ներդրման մասին։
Կրասնայա փողոցի ակտիվ զարգացումը հայ վաճառականների և արվեստի հովանավորների օժանդակությամբ բացատրվում է դրա աշխարհագրական դիրքով։
«Ներկայիս Դրուժբայի պուրակի տեղում, որը շատերին հայտնի է նաև որպես «փղիկով պուրակ», կար մեծ շուկա, որտեղ ակտիվ առևտուր էր կատարվում», – ասված է հրապարակման մեջ:
Պուշկինի գրադարանը հարյուրավոր շենքերից մեկն էր, որը պատկանում էր 19-20-րդ դարերի Կուբանի հայ համայնքին։ Այն կառուցվել է Եկատերինոդարի հայտնի հայերի հովանավորությամբ։ Գրադարանում գործում էր վաճառական Բորիս Չերաչովի հիմնած հայկական դպրոցը։
Հրապարակման մեջ տեղ է գտել Գ. Պոնոմարենկոյի անվան ֆիլհարմոնիայի պատմությունը, որը կառուցվել է 1911 թվականին և հանդիսանում է Հայկական բարեգործական ընկերության տունը։ Շենքը կառուցվել է 1898-1899 թվականներին՝ Նախիջևանի մեծահարուստներ Մանուկ և Մարտիրոս Կուզնեցով-Շեկերովների պատվերով։ Նրանց ընտանիքը 1900 թվականին Եկատերինոդարում բացել է աղյուսի և կղմինդրի մեծ գործարան։
Նիկոլաևի առևտրային դպրոցը կառուցվել է 1913 թվականին, որտեղ հայերենի ուսումնասիրությունը պարտադիր էր. ուսանողներին սովորեցնում էին զբաղվել բիզնեսով՝ իրենց համար ժամանակակից իրողություններով, որտեղ կային բազմաթիվ հայ գործակալներ։
Կրասնոդարի հայկական ծագում ունեցող վաճառականների մասին հիշեցնում է նաև հայկական եկեղեցին, որը կառուցվել է 19-րդ դարում վաճառականներ Գաբրիել և Նիկոլայ Տարասովների (Թորոսյան) կողմից։ Այդ ժամանակ նրանց էին պատկանում Կրասնայա-Կրասնոարմեյսկայա փողոցների մոտակա թաղամասի շենքերի մեծ մասը։
Ավելի վաղ ՌՈՒՍԱՐՄԻՆՖՈ-ն ներկայացրել էր Նախիջևանի շուկայի հայկական պատմությունը, որը Նախիջևանի տարածաշրջանի հնագույն վայրերից մեկն է, իսկ հիմա Դոնի Ռոստովի մի մասն է կազմում։