Friday , March 29 2024
amru
Home / Էքսկլյուզիվ / Ռուսաստանը առաջատար դեր է խաղում Ղարաբաղում. Ավետիքյան Տեսանյութ

Ռուսաստանը առաջատար դեր է խաղում Ղարաբաղում. Ավետիքյան Տեսանյութ

Դերասան, ռեժիսոր Սերժ Ավետիքյանը ՌՈՒՍԱՐՄԻՆՖՈ-ի թղթակցի հետ զրույցում անդրադարձել է պատերազմից հետո Հայաստանում և Արցախում տեղի ունեցող իրադարձությունների վերաբերյալ Ֆրանսիայի քայլերին և այնտեղից եկող արձագանքներին։

Ավետիքյանի խոսքով՝ նախորդող տարվա ընթացքում Ֆրանսիայի և Եվրոպայի կողմից ձեռնարկված որոշ քայլեր արդյունք են տվել և Ֆրանսիան շարունակում է մնալ Հայաստանի բարեկամը։

«Բայց սանկցիաները, որոնք կիրառում է Եվրոպան Թուրքիայի հանդեպ այդքան էլ արդյունավետ չեն։ Եվրոպան շատ չնչին ազդեցություն ունի հատկապես Թուրքիայի ձեռնարկած քայլերի վրա»,- նշել է Սերժ Ավետիքյանը։

Նրա կարծիքով տարածաշրջանում Ադրբեջանն ունի երկրորդական դերակատարում և գլխավոր խաղացողը Թուրքիան է։

«Թուրքիայից բացի տարածաշրջանում շատ կարևոր է նաև Ռուսաստանի դերակատարությունը, քանի որ Ռուսաստանն ուզում է ցույց տալ, որ չի կորցրել իր դիրքերը։ Սակայն բոլոր քայլերը բխելու են հենց Ռուսաստանի անձնական շահերից»,- ասել է Ավետիքյանը։

Ռեժիսորի կարծիքով՝ ԱՄՆ-ը ևս չի ցանկանում լրջորեն միջամտել Հարավային Կովկասում տեղի ունեցող իրադարձություններին՝ ցանկանալով պահպանել ՆԱՏՕ-ի գոյությունը, որի գլխավոր ռազմաբազաներից մեկը գտնվում է Թուրքիայում։

Ավելի վաղ ՌՈՒՍԱՐՄԻՆՖՈ-ի թղթակցի հետ զրույցում «Կալիֆորնիա Կուրիեր» թերթի խմբագիր և հրատարակիչ Հարութ Սասունյանը խոսել է Հայաստանում տեղի ունեցող իրադարձությունների վերաբերյալ ԱՄՆ արձագանքների մասին։

Մանրամասները՝ տեսանյութում։

Leave a Reply

Կարդացեք նաև

Իրական խնդիրները կեղծով փոխարինելը վտանգավոր է Հայաստանի համար

Կարիք կա՞ր Ռուսաստանի պետդումայի նախագահին նամակ հղել՝ հաշվետվության տեսքով և մերժում ստանալ, իսկ ԵՄ դեսպանին …