Հայաստանի հավաքականի հարձակվողով հետաքրքրված է միանգամից երկու ռուսական ակումբ

Հայաստանի ազգային հավաքականի անդամ, ղազախական «Կայարթի» ֆուտբոլիստ Կամո Հովհաննիսյանի նկատմամբ հետաքրքրություն է ցուցաբերում ռուսական երկու ակումբ։

Ինչպես հայտնում է Meta-ratings.kz-ը, հայ ֆուտբոլիստի պայմանագրի ժամկետը «Կայրաթի» հետ ավարտվել է։ Իսկ ազատ գործակալի կարգավիճակը և ԵԱՏՄ անձնագիրը նրան գրավիչ են դարձնում ռուսական ակումբների համար։

Այդ ակումբները «Ուրալը» և «Նիժնի Նովգորոդն» են։ Այս թիմերի մարզիչները հետաքրքրված են ֆուտբոլիստով, որը կարող է խաղալ երկու տարբեր դիրքերում ՝ թե՛ պաշտպանությունում, թե՛ միջին գծում։

Ավելին՝ «Նիժնի Նովգորոդը» հետաքրքրված է նաև Հայաստանի ազգային հավաքականի մեկ այլ ֆուտբոլիստով՝ Սոլոմոն Ուդոյով։

Նախորդ մրցաշրջանում Հովհաննիսյանը բոլոր մրցաշարերում անցկացրել է 44 հանդիպում, խփել 5 գոլ և կատարել 4 գոլային փոխանցում։

Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի ֆուտբոլի ազգային հավաքականի հարձակվող, Աստանայի ֆուտբոլիստ Տիգրան Բարսեղյանը գլխավորել է Ղազախստանում հանդես եկող ֆուտբոլիստների թարմացված տրանսֆերային վարկանիշային աղյուսակը։