ՈՒՍԱՐՄԻՆՖՈ-ի եթերում Հայոց Ցեղասպանության թանգարան-ինստիտուտի տնօրեն Հարություն Մարությանը ասել է, որ բարձրացրել է Հայոց Ցեղասպանության զոհերի հիշատակի օրը վերանվանելու հարցը։
«Ցեղասպանության ժամանակ մենք ունեցել ենք հաջող ինքնապաշտպանության բազմաթիվ օրինակներ։ Ուստի ես առաջարկեցի ապրիլի 24-ը հռչակել Հայոց Ցեղասպանության զոհերի և ինքնապաշտպանության հերոսների հիշատակի օր։ Կար նաև երկրորդ տարբերակը՝ Հայոց Ցեղասպանության հիշատակի օր․ զոհեր, դիմադրություն, վերապրածներ»,- ասել է նա։
Թանգարան-ինստիտուտի տնօրենը պարզաբանել է, որ Հայոց Ցեղասպանության մասին խոսելիս հրամայական է խոսել այն մարդկանց մասին, որոնք դիմադրել են և նրանց մասին, ովքեր վերապրելով հալածանքները, չեն կոտրվել և կարողացել են նոր կյանք կառուցել։
Մարությանի խոսքով՝ Հայոց Ցեղասպանությունը ոչ միայն ազգային ողբերգության, այլև պայքարի, հայ ընտանիքների ամրապնդման, սիրելիներին օգնելու, անձնազոհության պատմություն է։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի ԱԳՆ-ն հայտարարություն է տարածել Ցեղասպանության հանցագործության զոհերի հիշատակի միջազգային օրվա կապակցությամբ։
Մանրամասները՝ տեսանյութում։