Քաղաքագետ Հակոբ Բադալյանը ՌՈՒՍԱՐՄԻՆՖՈ-ի եթերում ասել է, որ Հայաստանի և Ադրբեջանի ղեկավարների բանակցությունները Բրյուսելում կդառնան Սոչիի եռակողմ ձևաչափով բանակցությունների տրամաբանական շարունակությունը։
Քաղաքագետի կարծիքով՝ այս երկու գործընթացները պետք է դիտարկել մեկ փաթեթում և չպետք է սպասել, որ բրյուսելյան հանդիպումը բովանդակային առումով արմատապես կտարբերվի Սոչիի հանդիպումից։
Հակոբ Բադալյանը կարծում է, որ համաշխարհային հանրությունը Ռուսաստանին քարտ բլանշ է տրամադրել Հայաստանի և Ադրբեջանի միջև վեճերը լուծելու համար, հետևաբար կարգավորման հարցում առաջնային նշանակություն ունեցավ հենց Սոչիի հանդիպումը։
Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը պայմանավորվել են հանդիպել Բրյուսելում։