Friday , March 29 2024
amru
Home / Լրահոս / Ես Անդրանիկ Քոչարյանն եմ. խորհրդարանական հանձնաժողովի նախագահը լրագրողին հիշեցրել է իր ազգանունը

Ես Անդրանիկ Քոչարյանն եմ. խորհրդարանական հանձնաժողովի նախագահը լրագրողին հիշեցրել է իր ազգանունը

Նոյեմբերի 19-ի խորհրդարանական ճեպազրույցների ժամանակ ԱԺ Պաշտպանության և անվտանգության մշտական հանձնաժողովի նախագահ Անդրանիկ Քոչարյանը լրագրողի հարցին ի պատասխան՝ արդյո՞ք նա ունի տեղեկություններ սահմանագծման և սահմանազատման վերաբերյալ ռուսական առաջարկների մասին, հարկ է համարել ևս մեկ անգամ ներկայանալ:

«Ես Պաշտպանության հանձնաժողովի նախագահ Անդրանիկ Քոչարյանն եմ և Ձեզ տեղյակ պահեմ,որ ես տեղեկացված եմ և ունեմ որոշակի տեղեկություններ առաջարկության բովանդակության վերաբերյալ»,- ասել է Քոչարյանը:

Ըստ նրա՝ խոսքը գնում է սահմանազատման և սահմանագծման գործընթացը զրոյական կետից սկսելու մասին և Հայաստանի Հանրապետությունը տվել է իր համաձայնությունը այդ աշխատանքների մեկնարկին մասնակցելու համար:

Ավելի վաղ ՌՈՒՍԱՐՄԻՆՖՈ-ն հայտնել էր, որ ՀՀ վարչապետ Նիկոլ Փաշինյանը կառավարության նիստում հայտարարել էր, որ Հայաստանը համաձայն է սահմանագծման վերաբերյալ ՌԴ պաշտպանության նախարարության առաջարկին:

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …