Wednesday , December 8 2021
amru
Home / Լրահոս / Պարզվել է զոհված զինծառայողի ինքնությունը, որի մարմինը Հայաստան էր բերել Մուրադովը

Պարզվել է զոհված զինծառայողի ինքնությունը, որի մարմինը Հայաստան էր բերել Մուրադովը

ՀՀ Պաշտպանության նախարարության փոխանցմամբ՝ պարզվել է զոհված զինծառայողի ինքնությունը, որի դին Երևան է բերվել նոյեմբերի 17-ին, ՌԴ Հարավային ռազմական օկրուգի հրամանատարի տեղակալ, գեներալ-լեյտենանտ Ռուստամ Մուրադովի միջնորդությամբ։

Զոհված զինծառայողը 1990 թվականին ծնված, ավագ լեյտենանտ Տարոն Սահակյանն է, որը սպանվել էր նոյեմբերի 16-ին` Ադրբեջանի սադրանքի ժամանակ։

Հայաստանի պաշտպանության նախարարության մամուլի ծառայությունից հայտնում են, որ անհետ կորած զինծառայողների որոնողական, ինչպես նաև գերիներին վերադարձնելու ուղղությամբ աշխատանքները շարունակվում են։

Պաշտպանության նախարարության տարածած հաղորդագրության համաձայն՝ նոյեմբերի 17-ի ուշ երեկոյան ադրբեջանական զինուժի ստորաբաժանումները կրակ են բացել հայ-ադրբեջանական սահմանի Տավուշի մարզի որոշ հատվածներում։ Հայկական զինված ուժերի պատասխան գործողությունների արդյունքում հակառակորդի կրակը դադարեցվել է։

Նոյեմբերի 18-ի ժամը 10-ի դրությամբ, հայ-ադրբեջանական սահմանին իրադրությունը հարաբերական կայուն է։

Ավելի վաղ ՌՈՒՍԱՐՄԻՆՖՈ-ն հայտնել էր, որ ՌԴ Հարավային ռազմական օկրուգի հրամանատարի տեղակալ, գեներալ-լեյտենանտ Մուրադովի միջնորդությամբ Երևան է բերվել զոհված հայ զինծառայողի դի։

Leave a Reply

Կարդացեք նաև

Հայ դյուցազունը դարձել է բազկամարտի աշխարհի առաջնության արծաթե մեդալակիր

Հայաստանցի 16-ամյա մարզիկ Արման Մրտեյանը երկու արծաթե մեդալ է նվաճել բազկամարտի աշխարհի առաջնության աջ ձեռքի …