ՌՈՒՍԱՐՄԻՆՖՈ-ի եթերում ադրբեջանագետ Տարոն Հովհաննիսյանը մեկնաբանել է Ադրբեջանի շարունակվող ագրեսիվ պահվածքը Արցախի և Հայաստանի նկատմամբ։
Հովհաննիսյանի խոսքով, սադրանքներն ու հրադադարի ռեժիմի խախտումները կշարունակվեն այնքան ժամանակ, քանի դեռ Բաքուն չի լուծել իր խնդիրները։
«Նրանք ցանկանում են, որ Արցախում հայ բնակչություն, հայ զինծառայողներ և ռուս խաղաղապահներ չլինեն։ Այսինքն՝ կարելի է ասել՝ ուզում են, որ Արցախում հայեր ու ռուսներ չլինեն»,- ասել է նա։
Փորձագետը նշել է, որ եթե Արցախում բնակիչներն իրենց ապահով չզգան, ապա այնտեղից բնակչության արտահոսքն անխուսափելի է։
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի ԱԳՆ-ն մեկնաբանել է Արցախում Շուշիի մերձակայքում խաղաղ բնակչի սպանությունը։
Մանրամասները՝ տեսանյութում։