Rusarminfo Российско-Армянское информационное агентство
ՀՀ առողջապահության նախարար Անահիտ Ավանեսյանը լրագրողների հետ զրույցում տեղեկացրել է, որ չպատվաստված աշխատողները ստիպված կլինեն ՊՇՌ թեստ հանձնել ամեն շաբաթ:
Կառավարության՝ այժմ գործող որոշման համաձայն Հայաստանում չպատվաստված աշխատողները ՊՇՌ թեստ հանձնում են ամիսը երկու անգամ։
Ավանեսյանը ասել է, որ այսօր արդեն հրամանի նախագիծը շրջանառության մեջ է դրվելու։ Նրա խոսքով՝ Առողջապահության նախարարությունը դեկտեմբերի 1-ից կառաջարկի կրճատել թեստերի վավերականության ժամկետը 14 օրից մինչև 7 օր։
Նախարարը նաև ասել է, որ հնարավոր է` ապագայում սահմանափակումներ մտցվեն ռեստորաններ, կինոթատրոններ և այլ հաստատություններ այցելելու համար:
Ավելի վաղ ՌՈՒՍԱՐՄԻՆՖՈ-ն հայտնել էր, որ նոյեմբերի 1-ից Հայաստանում գործում է Առողջապահության նախարարության որոշումը բաց տարածքներում դիմակներ կրելու անհրաժեշտության մասին:
