Ռուսաստանի հավաքականի անդամ հայ ձյուդոիստը չի մեկնի Բաքու

Report.az ադրբեջանական պարբերականը տեղեկացնում է, որ ձյուդոիստ Արման Ադամյանը, որը հանդես է գալիս Ռուսաստանի հավաքականի կազմում, չի մասնակցի Բաքվում կայանալիք «Մեծ սաղավարտի» մրցաշարին։

Նշվում է, որ Ադամյանն ընդգրկված չէ Ռուսաստանի հավաքականի կազմում, որը կներկայացնեն 13 մարզիկներ՝ 8 տղամարդ և 5 կին ձյուդոիստներ։

«Մեծ սաղավարտի» մրցաշարը տեղի կունենանա Բաքվի Հեյդար Ալիևի անվան մարզահամալիրում նոյեմբերի 5-ից 7-ը։

Ավելի վաղ ՌՈՒՍԱՐՄԻՆՖՈ-ն հայտնել էր, որ Հայաստանի ազգային հավաքականի և Ղազախստանի «Կայրաթի» ֆուտբոլիստ Կամո Հովհաննիսյանը չի մեկնել Բաքու և չի մասնակցել ադրբեջանական «Ղարաբաղ»-ի հետ խաղին։