Ռուսաստանը դադարեցրել է թուրքական կիտրոն ներմուծել

Ռուսաստանի սպառողական վերահսկողության կոմիտեն (Роспотребнадзор) արգելել է թուրքական կիտրոնի ներկրումը Ռուսաստան։

Գերատեսչության մամուլի ծառայությունից հայտնում են, որ թուրքական կիտրոնի մեջ թունաքիմիկատներ են հայտնաբերվել։ Ռուսաստանի բնակչության թունավորումից խուսափելու համար նոյեմբերի 3-ից կդադարեցվի կիտրոնի ներկրումը և կհանվի շրջանառությունից։

Ավելի վաղ Ռոսպոտրեբնադզորը հայտարարել էր հոկտեմբերի 29-ից թուրքական մանդարինի ներկրումը արգելելու մասին։ Մանդարինները գերազանցել են թունաքիմիկատների առավելագույն թույլատրելի մակարդակը։

Ավելի վաղ ՌՈՒՍԱՐՄԻՆՖՈ-ն հայտնել էր, որ Ռոսսելխոզնադզորը սահմանափակել է Ադրբեջանից լոլիկի և խնձորի ներկրումը։