Saturday , December 3 2022
amru
Home / Լրահոս / Հայաստանի և Ադրբեջանի ղեկավարների հանդիպման հարց չի քննարկվում. Հարությունյան

Հայաստանի և Ադրբեջանի ղեկավարների հանդիպման հարց չի քննարկվում. Հարությունյան

ՀՀ վարչապետի աշխատակազմի ղեկավար Արայիկ Հարությունյանը լրագրողների հետ զրույցում հայտարարել է, որ իրեն ոչինչ հայտնի չէ Իլհամ Ալիևի հետ Նիկոլ Փաշինյանի հնարավոր հանդիպման մասին։

«Հայաստանի արտգործնախարարն արդեն մեկնաբանել է այդ հարցը։ Ես իմ կողմից ավելացնելու բան չունեմ»,-ասել է նա ։

Հարությունյանը նաև հայտարարել է, որ մի շարք ձևաչափերում քննարկվում են հաղորդակցության ապաշրջափակման և սահմանների հետ կապված հարցեր: Սակայն այս պահին օրակարգում չկա այդ հարցերը բարձր մակարդակում քննարկելու մտադրություն։

Ավելի վաղ ՌՈՒՍԱՐՄԻՆՖՈ-ն հայտնել էր, որ ՀՀ ԱԳ նախարար Արարատ Միրզոյանը հայտարարել է, որ այս պահին պայմանավորվածություն չկա նոյեմբերի 9-ին Հայաստանի, Ռուսաստանի և Ադրբեջանի նախագահների եռակողմ հանդիպման վերաբերյալ:

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …